طريقة عمل المعجنات بالسمسم من اجمل واروع الطرق واسهلها معجنات لزيزة واطفالك بالبيت راح يحبوها كتير
المجعنات بالسمسم او الاقراص بالسمسم محشية حشوات متعددة وجميلة تحضيرها بسهولة بالبيت
المقادير :
نصف كيلو دقيق فاخر
معلقتين كبار سكر
ربع معلقه صغيره ملح
معلقه كبيره خميره فوريه
معلقه صغيره بيكنج بودر
معلقتين كبار حليب بودره
كوب زبده لينه
من كوب ل كوب وربع أو حسب احتياج العجينه
التحضير :
هنخل الدقيق واضيف عليه السكر والملح والخميرة استخدمت خميره دريم ولازم تتاكدي من صلاحيتها ولو نوع تاني اعمليها اختبار ضروري..وبعدين نضيف البيكنج بودر والحليب البودره ونقلب كل حاجه مع بعض..ونضيف كوب من الزبده اهم حاجه تكون لينه يعني مش سايحه وده ضروري هتبدأي بقي تقلبي الزبده مع المكونات الجافه بمعني انك تبسيها زي مابنعمل في الكحك كده لغيت ماتبقي عامله زي الرمل ..هتضيفي ميا دافيه تدريجيا وتلمي العجينه مش اقل من عشر دقائق كل ماتعجنيها كل ماتبقي احلي المهم مش تزودي دقيق كتير عشان مش تطلع ناشفه منك وتغطيها وتسيبيها تخمر وحجمها يتضاعف وبعدين تكوريهاوتغطيها تاني عشر دقائق وتحشيها سكر بقرفه أو سكر بس أو سكر ع قرفه ع مكسرات.. وتقفليها كويس عشان الحشو مش يخرج منها وتحطي وشها في مياه عليها سكر وتخرجيها سريعا ع السمسم وتسويها ف صينيه المونيوم تكون مدهونه زيت وتغطيها وتسبيها عشر دقائق لما تبدأ تعلي تاني وبكده هتطلع مفرغه من جوه مش مكتومه..التسويه ع فرن ساخن مسبقا ع درجه حراره ٢٠٠ لمده تلت ساعه او ربع ساعه ع حسب الحجم وتغطيها لما تطلع وبس كده قولولي تسلم ايدك بقي
